"حالىقتىڭ ويىندا جۇرگەن ماسەلەلەردىڭ بارلىعى دا ەلباسىمىزدىڭ «رۋحاني جاڭعىرۋ: بولاشاققا باعدار» ماقالاسىندا ناقتى اتاپ كورسەتىلگەن. سوندىقتان ءبىز ءوز ايماعىمىزدا ەلىمىزدىڭ اتىن شىعارىپ, حالقىمىزدىڭ مەرەيىن ۇستەم ەتكەن ازاماتتاردىڭ ونەگەلى ىستەرىن ۇلگى ەتۋگە قاتىستى ماسەلەلەردى تالقىلاۋ ۇستىندەمىز. سونداي-اق, مادەنيەتىمىز بەن ادەبيەتىمىزگە ەڭبەگى سىڭگەن تۇلعالاردىڭ تۋىندىلارى ارقىلى وسكەلەڭ ۇرپاقتىڭ ساناسىندا پاتريوتتىق سەزىم قالىپتاستىرۋ جايىن دا ءارتۇرلى جيىنداردا ءسوز ەتتىك. وسىلايشا, اتىراۋ وبلىسىنىڭ اۋماقتارىندا ءتۇرلى دەڭگەيدە اقپاراتتىق, ناسيحاتتىق ءتۇسىندىرۋ جۇمىستارىن جۇرگىزدىك. بۇل شارا تەك قانا جەرگىلىكتى اتقارۋشى بيلىك تاراپىنان عانا جۇزەگە اسىرىلىپ قانا قويماي, وعان تۇتاس قوعام بولىپ اتسالىسۋ مەن وڭىرلەردەگى اقساقالدار القاسىنىڭ جۇمىلا كىرىسكەنىن دە ارنايى اتاپ وتكىم كەلەدى. وعان ورتا بۋىن ازاماتتار مەن جاستار لەگىنىڭ قوسىلىپ, باستامالاردى ءبىراۋىزدان قۇپتاۋى – قازاقستاننىڭ اۋىزبىرلىگى مەن تاتۋلىعى جاراسقان ەل ەكەندىگىنىڭ تاعى ءبىر ايقىن دالەلى بولا الدى" دەدى نۇرلان نوعاەۆ بۇگىن ۇلتتىق كوميسسيانىڭ وتىرىسىنان كەيىن جۋرناليستەرگە بەرگەن سۇحباتىندا..
اتىراۋ وبلىسىنىڭ اكىمى نۇرلان نوعاەۆ مەملەكەت باسشىسى نۇرسۇلتان نازارباەۆتىڭ «رۋحاني جاڭعىرۋ: بولاشاققا باعدار» ماقالاسى بويىنشا وڭىردە قانداي جۇمىستار اتقارىلىپ جاتقانىن ايتتى.